رواية مهرة النعمان الفصل الثاني عشر بقلم فريده الحلواني

روايه مهره النعمان البارات الثاني عشر بقلم فريده الحلواني

رواية مهرة النعمان

الفصل الثاني عشر

بقلم فريده الحلواني

ما هذا الثقل الجاسم علي قلبي ماذا حل بي اكاد ان اختنق

انفاسي تعاندي اصبحت التقطها بصعوبه كاني غريق يحاول النجاه ولكن اني لي بالنجاه و طوق نجاتي هجرني

هل اختلق لك عزرا جديدا ام اكتفي منك

مالها اعزاري لا تنضب كلما اوجعتني اجد لك الاف الاعزار ولكن الي متي حقا تعبت

الا من يوما ياتي احظي به برحمتك واشفاقك علي قلب صغير ذاب و تعب من الانتظار والاشتياق ايضا

كانت تلك الكلمات تدور داخل مهره بعد ان قرات الخطاب مرات عديده تحاول استيعاب ما خطه لها بيده ووقعت في حيره كبيره هل تشفق عليه ام علي حالها

ام تمقت المسماه بامها وتحقد عليها لانها سبب في جزء كبير من المعاناه التي تحياها

ربما لو كانت مثل باقي الامهات هي من تولت رعايتها و تربيتها لكان الوضع اختلف

ولكن ايضا بداخلها تكن لها بعض الشكر لانه لولا تخليها عنها منذ ولادتها ما كانت ستحظي بكل الحب والدلال و الرعايه التي وهبها لها حبيبها لا والله يجب عليها شكرها لانها اتاحت لها الفرصه لتكبر في كنف رجلا لن يتكرر كثيرا فهي تقسم ان كان والدها رحمه الله عليه علي قيد الحياه وكان يعيش هو و امي حياه طبيعيه وانا معهم مهما قدمو لي لم يكن مثل ما فعله ويفعله معي هذا البدر

التقطت الخطاب للمره التي لا تعلم عددها وبدات في قراءته بتركيز

( مهره .....سامحيني انا بترجاكي تسامحيني انا مش عارف عملت كده اذاي ضعفت ايوه ضعفت هعترفلك بحاجه يمكن اقدر اريحك مع ان اعترافي مش هيغير حاجه بس انتي الحاجه الوحيده الي اتمنتها في حياتي وبعد الي حصل بينا لو مت هكون خلاص اخدت كل حاجه من الدنيا ومفيش حاجه تانيه تستاهل اني اعيشلها

انتي الذنب الي بدعي ربنا في كل صلاه اني متوبش منه

بس انا اتكسرت ادامك مكنش لازم اضعف واطاوعك

اوعي تلومي نفسك انا السبب في الي وصلناله لو كنت قدرت اخبي الي جوايه كويس مكنتيش انتي اخدتي الخطوه دي ...بس للاسف بردو مهما حاولت اخبي كنتي هتحسي لان ذي ما بتقوليلي دايما احنا مرايه بعض

انا مش عارف ابص لنفسي في المرايه ولا هقدر ابص في عينك انتي بالذات او اي حد من الي حوالينا

بقي انا بعد ما كنت امانك وحمايتك اعمل كده

طب هقف قصاد ابوكي في الاخره اقوله ايه انا طمعت في الامانه الي سبتها في رقبتي

ااااااه مش عارف اعبر بس انتي اكيد فهماني

حقك علي قلبي يا بنت قلبي

انا سافرت او بمعني اصح هربت يمكن الكام يوم دول اقدر الملم قلبي الي هينفجر جوايه وارجع لعقلي الي اصلا مش قادر يستوعب انه هيبعد عنك بارادته

انا سبتلك فلوس تكفيكي لمصاريف الايام الي هغبها لو مكفتش انتي عارفه مكان الفيزا الاحتياطي شايلها فين خوديها خليها معاكي

اوعي يا فرستي اياكي تعاقبيني و تاخدي فلوس من حد لو عملتيها هتكسري الي باقي فيه يبقي كده انتي بتقوليلي انك خرجتيني من حياتك

وانا الي مصبرني عالي انا فيه انك لسه منوره حياتي

متزعليش من قمرك

و متعيطيش

سلام يا غلب بدر وعذابه وناره )

طوت الخطاب وقبلته ثم قامت من فراشها متوجهه لخزانه ملابسها ووضعته فيه مع النقود بعد ما اخذت منها بعض الورقات النقديه حتي تشتري بهم ما يلزمها كما وصاها بدرها

اغلقت الخزانه و التقطت حقيبتها ووضعت ما بيدها بها وهي تحاول التماسك

اتجهت الي باب غرفتها وفتحته حتي تذهب الي المرحاض وقبل ان تصل اليه سقطت مخشيا عليها تزامن هذا مع خروج الجده من غرفتها وعندما راتها ممدده علي الارض صرخت بقوه مما ادي الي تجمع اهل المنزل

في مطار برج العرب الدولي بالاسكندريه كان يجلس بدر بنصف عقل يحاول ان ينتبه لحديث مصطفي الذي يحاول ان يقهم منه مابه

مصطفي : يابني فاهمني بس ايه الي خلاك تغير رايك فجاه وتسافر

بدر بعصبيه : متزهانيش بقي وبطل ذن قولتلك عشان بيتر صاحبي والاحسن اني اقابله بنفسي عشان نرتب البلاوي الي احنا فيها دي

كاد ان يرد عليه ولكن اعلن عن ميعاد الطاءره فقام مصطفي بتوديعه ووقف حتي اختفي عن انظاره فتوجه خارج المطار استقل سيارته وقبل ان يبدا في تشغيلها اخرج هاتفه و اتصل بمعذبته التي لا يعلم ما سبب تبدل حالها معه

انتظر الرد قليلا ثم فتح الخط

ردت عليه وهي تبكي فانخلع قلبه رعبا عليها

مصطفي : زينه انتي بتعيطي ليه حببتي مالك في حاجه تعباكي ردي عليا طمنيني

زينه وقد ذاد بكاءها بسبب تانيب ضميرها مما كانت تفعله معه بمنتهي الغباء

لامت نفسها بعد ما سمعت صوته الملهوف عليها واقسمت ان تفعل ما بوسعها لكي تعوضه وتعتزر له عما بدر منها في الايام السابقه

حاولت تمالك نفسها واجابت : انا كويسه متقلقش بس مهره الي تعبانه

مصطفي بخضه : ليه مالها وانتي فين دلوقت

زينه : انا اتصلت بيها من شويه عشان نروح المدرسه مع بعض مردتش عليه اتصلت بلميس قالتلي ان تيتا لقيتها واقعه عالارض مغمي عليها وسخنه مولعه

وليد كشف عليها لقي حرارتها معديه الاربعين ركبلها محلول واداها حقنه تخفض الحراره بس لحد دلوقت بقالها اكتر من ساعتين ولا فاقت ولا الحراره نزلت وانا اول ماعرفت روحت انا و ماما عندكم وادينا كلنا حواليها مستنينها تفوق ثم اكملت ببكاء انا خايفه عليها و زعلانه اوي يا مصطفي

مصطفي : لا حول ولا قوه الا بالله اكيد عرفت بسفر بدر لان الحاله دي بتجلها لما بتزعل جامد ايووووو ياجدعان ده لسه راكب الطياره من خمس دقايق بس يعني لو كلمتك بدري شويه كان عرف ولغي سفره ورجعلها

بس خلاص كده مش هينفع حد يقوله وهو مسافر عشان لو عرف هيتجن

زينه : لا الاحسن انو ميعرفش وربنا يشفيها

بس شكلهم هنا في البيت مكنوش يعرفو بسفره بدالك غير لما جدو النعمان قلهم

مصطفي : ماشي حببتي اقفلي وانا اتحركت مسافه الطريق هكون عندكم بامر الله لو اي جديد كلميني

زينه : حاضر علي مهلك وانت سايق يا حبيبي سلام

اغلقت الخط وجلست بجانب الفتيات مره اخره في انتظار استيقاظ الاميره الناءمه

هكذا شبهتها زينه بداخلها

اذا كل هذا المرض الذي اصاب اميرتنا بسبب غياب وحشها اللطيف عنها

فهم داءما يشبهونها بالاميره والوحش لفرق الحجم الواضح جدا بينهم ولكنه وحش وسيم وهمجي ايضا

الهذا الحد بلغ عشقه داخلها ما يجعلها تغيب عن الدنيا بغيابه عنها وانا التي ظلمتها واهنتها واتهمتها باهدار كرامتها لاجل شخص لا يشعر بها

ولكني اقسم اني كنت غبيه فما يظهره بدر لها من دلال امام العالم اجمع دون الاهتمام بشكله امام الناس يدل علي عشقه هو الاخر لها ولكن نجهل سبب اعترافه به

حتي انها تذكرت موقف ما استغربت وقتها مما حدث

في العام الماضي كانو يقضون بعض ايام من عطله الصيف في الشاليه الخاص بعاءله النعمان القاطن داخل احدي القري السياحيه الموجوده بالساحل الشمالي

كان الشباب والفتيات يتنزهون ليلا داخل احد المولات المتواجده داخل القريه

و فجاه وقفت مهره فنظر لها بدر لمعرفه سبب وقوفها وبالتالي توقف الجميع

مهره : ثواني بس هقف علي جنب اربط الكوتشي اتفك مني

بدر : انتي هبله يابت تطاتي اذاي قدام الناس ولم يعطيها فرصه للرد ونزل سريعا جلس علي احدي ركبتيه و ثني االاخري ثم امسك بقدم مهره ووضعها فوق ركبته المثنيه وقام بربط حذاءها

الوضع كان ملفتا لدرجه ان بعض رواد المكان وقفو يشاهدون هذا الموقف باعجاب من بعض الفتيات والحقد من اخريات علي مهره انها تحظي برجل كهذا

واطلق بعض الشباب الصافرات تحيه له علي ما فعل

ظلت زينه تتقاذف علي عقلها ذكريات و مواقف كثيره جعلت ضميرها يؤنبها اكثر علي ما اقترفته في حق هذه المخلوقه الجميله من الداخل قبل الخارج خاصا اخر شىء فعلته من اجلها في المدرسه فبرغم كل ما فعلته معها الا انها دافعت عتي وارجعتني الي الطريق السليم واحده غيرها بعد الذي فعلته معها كانت اكتفت بالمشاهده والشماته ايضا فيما سيحدث لي

افاقت من شرودها علي لكز لوجي في كتفها

زينه بخضه : ايه ايه في ايه

لوجي باستهزاء : ابدا يا روحي بقالنا ساعه بنكلمك وانتي ولا هنا

مها : الي اخد عقلك يا زوزو

زينه ببكاء : انتو الي اخدين عقلي انا اذاي كنت غبيه كده وكنت هبيع اخواتي وعشره عمري عشان حبه كلام من واحده زي دي انا اذاي كنت عاميه ومش شايفه اختلافها عننا

وبرغم كده مهره الي مسكت ايدي ورجعتني غصب عني عشان تنقذني

والي قاهرني اكتر من نفسي ان انتو بتتعاملو معايه عادي حتي معتبتونيش

اخذتها لوجي باحضانها وهي تهداها : بطلي هبل يابت انتي حد يشوف اخته بتغرق ويسيبها وبعدين احنا عارفينك هابله ويضحك عليكي بكلمتين وكان ممكن نقولك من الاول بس قولنا نسيبك شويه وندخل في الوقت المظبوط عشان بس تتعلمي الدرس كويس وبعدين حوشي شويه من دموعك دي لحد ما مهره بس تفوق عشان ناوينلك علي علقه محترمه تخليكي متنسيش الي حصل طول عمرك وتعرفي تختاري الناس الي تصاحبيهم بعد كده

خرجت زينه من حضنها وهي تمسح دموعها وتقول باصرار : لالالالا خلاص توبه اصاحب حد تاني وبعدين انا عندي اربع اخوات مش اصحاب ومش هلاقي ولا اجدع ولا احسن منهم يبقي اعرف حد جديد ليه بقي

ردت مها بمزاخ : طفاسه و فراغه عين ياقلب اختك

ضحكن الفتيات بخفوت وهما يحاولون الالتهاء عن القلق الذي ينهش قلوبهم علي رفيقه دربهم

في الخرج كان يجلس الجد مع اولاده وهو يسال وليد عن حالت حفيدته الغاليه

الجد : ماتشوف حاجه يابني تديها للبت تفوقها هنقعد نتفرج عليه كده وهي مش دراينه بالدنيا

وليد : مينفعش يا جدي اديها حاجه تاني الحقن الي ادتهلها مفعولها قوي وبعدين انت عارف الحاله دي بتجلها لما بتزعل وبتفوق لوحدها

الجده بحزن : طب يكون ايه بس الي زعلها ماحنا لحد ما بدر دخلها تنام كانت كويسه وبتهزر معانه

ريهام : يمكن امها كلمتها تلاقيها حرقت دمها زي عوايدها منها لله مش عايزه تسيب البت في حالها ولا هي عايشه معاها تراعيها ولا حتي عاجبها عيشه البت معانا مش عارفه عايزه ايه

نوال بعيظ : اااه يا ناري الي يسبني عليها اكلها بسناني الصفره دي اكيد وراها حاجه دي بتقعد بالشهور مبترنش رنه عالبت انما اليومين دول شغاله كل شويه اشي اتصال و اشي هدايه بتبعتهلها من تركيه

وانا اقطع دراعي ان كل ده وراه هدف في دماغها

ياسر : مهما كان الي في دماغها تفتكري ان احنا هنسمحلها تعمل حاجه متحطيهاش في دماغك سيبيها لما تجيب اخرها

الجد : لله الامر من قبل و من بعد يلا يا ولاد كل واحد يروح يشوف الي وراه و كده كده البنات قالو هيقعدو مع مهره مش هيروحو في حته وانا كمان قاعد انهارده

عادل وهو يقوم من مجلسه : ماشي ياحج هنتوكل علي الله احنا واي حاجه تحتاجها اتصل بينا علي طول

احمد : طب مش هتقولو لبدر لو عرف ان خبينا عليه هيزعل

الجد بخضه : لالالا يابني اوعي حد يبلغه اتت عارف هو رايح في ايه بلاش نشغله دماغه سيبه يبقي فايق و مركز الله يعينه علي الجاي واحنا كلنا حواليها اهو

الجده وقد اصابها القلق مما قاله الجد : ليه يا حج في ايه هو مش مسافر شغل برده ولا في حاجه تانيه ياخويا طمني الله لا يسيءك

الجد بحده من الضغط الواقع عليه : ولا تانيه ولا تالته جري ايه يا نعمه مالك مسكتي في الكلام ليه ايش عرفك انتي في شغلنا

الجده وقد التمست لرفيق دربها العزر وتاكدت انه يوجد امر جلل وراء سفر حفيدها المفاجىء مما جعل الجد في تلك الحاله العصبيه التي تنتابه فقط في المواقف العصيبه

فقالت : حق عليه يا حج انا بس بطمن روق كده وقول يارب انا هقوم اعملك كوبايه قهوه محوجه من ايديا تعدل دماغك وادخل اصلي ركعتين لله لعله يخفف عنا ويسترها معانا ان شاء الله

نظر لها الجد باسف وامتنان فهي من كافحت وصبرت معه وساندته في اصعب الظروف ولولا وقوفها بجانبه ما كان استطاع ان يصل لما هو عليه الان

داخل شركه السيوفي للاستيراد والتصدير التي تعد من اكبر الشركات في الشرق الاوسط والتي يتخذها مالكها عابد السيوفي كستار له لتهريب الاثار فهو يعد الزراع اليمني والواجهه للمهربين الكبار الذين يتقلدون مناصب كبيره في الدوله تخاف فقط ان تذكر اسمهم وايضا يعتبر وكيل اعمال المافيا الايطاليه داخل مصر وبعض الدول العربيه

داخل مكتب عابد نجده يجلس هو و ممدوح رجله و زراعه الايمن و كاتم اسراره يتباحثون فيما سيفعلونه مع بدر اذا رفض التعامل معهم وهو المتوقع

عابد : ها يا ممدوح ايه الاخبار

ممدوح : كل حاجه تمام يا باشا وقفنا ورق المينا و بكده البضاعه هتفضل مركونه لحد ما نشوف رده ايه علينا

سكت قليلا ثم اردف

بس في حاجه مش فاهمها يا باشا ومحيراني

عابد : حاجه ايه ماتنطق علي طول

ممدوح : انهارده كان معاد سفر مصطفي لالمانيا ورجالتنا الي مرقباهم ٢٤ ساعه شافوه نازل هو وبدر فضله وراهم لحد المطار و استنو لحد ما بدر يطلع عشان يكمله مراقبه بس الي حصل ان بدر هو الي سافر و مصطفي الي خرج مالمطار ركب عربيته وقعد ربع ساعه يتكلم في التليفون بعد كده طلع عالبيت طوالي وبعدها بشويه كل واحد راح شغله عادي بس النعمان منزلش ولا هو ولا حد مالبنات حتي زينه بنت المحامي بتاعهم وخطيبه مصطفي راحتلهم الصبح بدري هي وامها ولحد دلوقت منزلوش من عندهم

عابد باستغراب : يعني ايه الكلام ده ممكن يكونو حسو بالمراقبه فاشتغلونا وبدر بدل مع مصطفي في اخر لحظه وايه حكايه قعاد النعمان والبنات في البيت ده كمان مش غريبه

ممدوح بعقلانيه : لا مفتكرش انهم حسو بحاجه وبعدين ده سفر بطياره بره مصر مش معقول هيبدله في المطار هو سوبر جيت ولا ايه

هو الاكيد انهم اخدين القرار من الاول بس مقلوش والا كان الراجل بتاعنا بلغنا

بس قعاد الراجل الكبير ده هو الي مش قادرين نعرف سببه الاحتمال الاكبر انه يكون تعبان والبنات قلقه عليه فقعده جنبه انت عارف هما بيحبوه اد ايه

عابد : اه ياخويا عارف بس لو كلامك عن السفر ده صح يبقي بدر بدا يشغل دماغه علينا وياخد حرزه وده دماغه سم لو اشتغلت ممكن يضيعنا كلنا

ممدوح : طب والحل

عابد : هبدا الضرب من تحت الحزام مش هخليه يعرف الضربه هتجيله من انه ناحيه عشان اشتته وميعرفش يفكر و يضطر فالاخر ينخ لينا

ممدوح : طب هنبدا بايه و دلوقت ولا هتستني لما يرجع

عابد : لاااا استني ايه ده انا هخليه يرجع علي ملي وشه

اتصل بعبدالحميد النجار خليه يجيلي بكره الصبح الساعه ١٠ يكون قدامي في المكتب

بس يارب قاعده البنات متطولش جنب جدهم عشان نعرف نضرب اول ضربه صح

اه صحيح برده مش لاقي سكه مع حد جوه المصنع

ممدوح : للاسف لا كلهم ولاءهم ليه وكل عامل وموظف عنده استعداد يفديه بروحه المعلم بدر مختار الناس الي حواليه صح دا غير ان جمايله مغرقاهم دا غير معاملته الحلوه ليهم ......

قاطعه عابد بغيظ : خلاص يا ممدوح انت عايز تنقطني دانت فاضل ترشحه للانتخابات ماتروح تشتغل معاه احسن ادام عجبك اوي كده

ممدوح : مش قاصدي ياباشا انا بس بوضحلك الصوره

عابد : خلاص خلصنا قوم يلا شوف وراك ايه وبلغني بالجديد اول باول

مر يوم بطيء علي النعمان و قد افقت مهره بعد وقت طويل اهل قضايا المنزل قلق في الكبار عليها ولكن بعد ان استعاد وعيها وانخفضت حرارتها ببساطه طمانتهم عليها انها بخير ولا يجوز لهم حضورهم حولها وتعطيل شؤونهم اكثر من ذلك اكلت قليل من الطعام واستراحة الدواء الذي احضره وليد لها بعد ان انتزع عنها المحلول المعلق

وقد استاذنت منهم حتى نام قليلا ولم يشعر بالوهن بعد فخرج الجميع وتركوها ليرتاح ولكن كل الوقت أثر على أحد الفتيات للاطمانان إذا ما لاحظتها وشعرت برحيلها مرارا وتكرارا

كان الجد يجلس علي اريكه داخل غرفته يسبح بمسبحته الفضيه وهو يناجي ربه ان يحفظ اخفاده ويقف بجانبهم فيما مقبلين عليه

قاطع تسبيحه رنين هاتفه برقم نابولي كان ينتظره بفارغ الصبر التقطه وفتح الخط سريعا وقال : بدر يابني وصلت بالسلامه طمني

بدر : علي مهلك ياجدي انا لسه واصل حالا يدوب عربة تاكسي يوصلني الفندق مردتش استني لما اوصل واتصلت بيك علي طول

الجد : طب الحمدلله يابني طمنتني هي يريح قلبك

بدر بتردد : اااا جدي انت شفت مهره انهارده ولا لا هي انهارده يومها مليان هتطلع مدرسه علي درسين أو بعض يعني لاه قدامها جواد علي ماتخلص بس مش عارف قلبي مقبوض علبها ليه

الجد : اطمن يابني هي بخير حتى انا خليت احمد الي يوصلهم ولمهم

بدر : بص يا جدي بعد اذنك انا بعد ماقفل معاك هكلم مدير مدرسه أخدلها هي والبنات اجازه الكام يوم دول وأخيراً مارجع وبلاش لوجين ومها يروحو الجامعه بردو

الجد : طب ليه كده انت ليه غيرت الي خفيتي عليه

بدر : معلش ياجدي كده أحسن لذلك ابقى مطمن اكتر انا مكنتش عامل حسابي عالسفر بس حصل باقي

الجد : طب و دروسهم يابني ده الامتحانات عالابواب وبعدين قعدتهم مره واحده هتلفت النظر

بدر : لا هيروحي الشعير بشكل عادي ولكن بعد ذلك اربعة كلمت شركه حراس خاصه بتاعه ظابط صحبي استقالتها هي عينلهم حراسه سريه من غير حتى مايحسو بيها لذلك منضمنش الثاني في الدرس ايه الي ممكن لازم يعيننا لهم مؤقتا

الجد : لقت تفكر في ده كله وتنفزه امتي يابني

بدر : وأنا في الطياره ياجدي الوقت كان لفترة طويلة قدرت افكر بهدوء واخد القرار دي بعد مااستاذنك طبعا

الجد : اليشوفه صح اعمله انا بثق فيك يا خليفة النعمان

بد : ربنا يخليك لينا ياجدي انا هقفل معاك واول ماوصل الفندق هعمل الي تقولك عليه وبلغك بالنتيجه

الجد : ربنا معاك يابني في حفظ الله

قبل ان يغلق اوقفه بدر

جدي

الجد : ايه ياحبيبي

بدر بخجل : خد بالك من مهره يا جدي حاسس ان فيها حاجه قلبي واجعني عليها اوي يمكن لذلك اول مره ابعد عنها من يوم ما اتولدت

الجد : امانتك في عنيه متخفش عليها و يمكن من هنا لما ترجع بالسلامه يكون ربنا هداك و تريح قلبك من وجعه

رد بدر بعد فتره وقال : .....

تري ماذا سيرد علي جده

سنرى

متنساش ان الروايه موجوده كامله في قناه التليجرام

والواتساب

👆👆👆👆

📚 لقراءه الفصل الثاني من هنا ♡♡♡ الفصل الثالث عشر

✍️ لقراءه رواية مهره النعمان كامل اضغط هنا👇

👈 مهره النعمان كامله 👉

انتظروووووني

بقلمي / فريده الحلواني

تعديل المقال

روايات كوكب السكر

رواية مهرة النعمان الفصل الثاني عشر بقلم فريده الحلواني