رواية مهرة النعمان الفصل التاسع والعشرون بقلم فريده الحلواني

روايه مهره النعمان البارات التاسع والعشرون بقلم فريده الحلواني

رواية مهرة النعمان

الفصل التاسع والعشرون

بقلم فريده الحلواني

الفصل التاسع والعشرون

$$$$$$$$$$$$$$$

بقلم فريده الحلواني

أسرع الشباب الي الاسفل بعد ان سمعوا صرخه سليم المتألمة

مال عليه وليد ليرى مدي سوء جرح قدمه فحينما كان يحمل إحدى قطع الاثاث هو و احد الشباب انزلقت قدمه فوقع علي السلم وفوقه تلك القطعه الثقيله التي كانت مطعمه بالزجاج فغرزت قطعه منه في ساقه

وليد : لازم تتخيط هتاخد حوالي خمس غرز قوم معايا

ساعده وليد واحمد في القيام من مكانه ليصعدا به عند الجده ليقوم وليد بخياطه الجرح

مازحهم سليم وهو يتحامل علي ألمه حينما رأى ملامحهم التي تبدلت للحزن فقال : شوف ربك يا اخي حب يرحمني من الشقي الي كنت فيه الحمد لله فلت منكم وكمان هقعد عند حماتي تأكلني بقي وتعوض جوز بنتها الدم الي نزل منه

احمد وهو يجاريه في مزحته : انا عارف انتوا جايين اصلا عشان الطفح الي هتطفحوه مش عشان العفش

ضحك الشباب و رجعوا لما كانوا يفعلوه بينما دلف سليم ووليد الي شقه الجده لمعالجه الجرح

شهقت النساء عندما شاهدوا ساق سليم تنزف وقد تلون بنطاله الرمادي علي اثر الدم

طمأنهم وهو يقول : مفيش حاجه متضخضوش ده مرايه السراحه بس اتكسرت

عزه : اسم الله عليك يابني هي جامده يا وليد

وليد وهو يتجه به الي غرفه بدر : لا يا خالتي متقلقيش غرزتين بس هو الي بيستموت فيها عشان ميكملش شيل الحاجه معانا و عشان يصعب علي حبيبه الفلب

لوجي : الهي تتشك في قلبك يا وليد الكلب الراجل سايح في دمه وانت تقول بيستموت

سليم بتسبيل وهو يتمدد عالفراش : يسلملي ابو قلب طيب الي بيدافع عن حبيبه يا ناس

الجده : عين و صابتك يابني النسوان واقفه في البلكونات عينها تدب فيها رصاصه

نوال : الحمد لله ياما انها جات علي قد كده ربنا يسترها عليكم يا ولادي و يكفيكم شر العين انا هاروح اولع شويه بخور

خرج الجميع من الغرقه ليتيحوا الفرصه لوليد بمعالجه الجرح بعد ان قطع ساق البنطال واخذت كل واحده منهن تعلق بما تشعر به من استياء حزنا علي ما حدث

مر اليوم بعد عناء و مرت عده ايام اخري قضوها مابين ابتياع ما ينقص من احتياجات مهره لاكمال محتويات بيتها وما بين تنظيم محتوياته

وقبل الزفاف بثلاثه ايام ظهرت نتبجه الثانويه العامه وقد اصرت مهره علي بدر ان يحضرها لهم من الكنترول قبل ظهورها للعلن حتي يطمئن قلبها قبل الزفاف وقد اغرته و تدللت عليه كثيرا حتي ردخ لامرها رغم ثقته بها الا انه كان متخوف من النتيجه لما مروا به وقتها ولكن بالاخير استطاع الحصول عليها عن طريق احد معارفه فالجميع يتسابق في تلبيه اي طلب له بناء علي ما يقدمه من خدمات لمن يلجأ إليه

كان الجميع يجلس في شقه الجد يتباحثون ما سيفعلوه في الايام القليله المتبقبه ومنها ان يترك بدر شقه الجد ويصعد عند ابيه ليتيح الفرصه للفتيات المبيت مع العروس و تجهيزها ولكنه رفض رفضا قاطعا فأقسمت الجده انها ستجعل الفتيات يقمن في شقه المذاكره وستغلق عليهن بالمفتاح و ليريها كيف سيري مهرته ليوم الزفاف تزمر كثيرا ولكنه اقسم بداخله انه لن ينفذ حرف مما قالته الجده

وضحك الجميع علي هذه المناوشات ولكن قطع مزاحهم رنين هاتف بدر و ها قد جاءت اللحظه المرتقبه

بدر : باشا وكيل الوزاره بنفسه بيكلمني

وكيل الوزاره : هو احنا عندنا اهم منك يا بشمهندس عشان نكلمه اخبارك ايه والحج سلملي عليه كتير

بدر : انا الحمد لله بخير والحج بيسلم عليك المهم طمني جبت النتيجه

وكيل الوزاره : طبعا يا باشا طلباتك اوامر والف مبروك مقدما نتيجه التلت بنات ماشاء الله مشرفه انا بعتهالك عالواتس حالا

بدر : الف شكر ومتنساش ميعاد الفرح انا بعتلك الدعوه امبارح

وكيل الوزاره : طبعا هكون اول الحاضرين والف مبروك مقدما

بعد تبادل التحيه اغلق معه الهاتف وسط سكون وترقب الجميع مع بهوت وجه الفتيات من رعبهم

قطع هذا الجو المشحون الذي أراد بدر اطالته وهو يفتح تطبيق الواتس ليطلع علي النتيجه ليتلف اعصابهم و يؤدبهم علي تآمرهم عليه مع الجده

الجد : يابني كل ده بتفتح الرساله ماتخلصنا بقي

بدر : اصل النت تقيل

اغرورقت عين مهره بالدموع وهي تنظر له وتقول : عشان خاطري يا بدر قول بقي انا اعصابي باظت

بدر وقد رق لها : ليه البكي يا قلب بدر او اقول يا دكتوره

صرخت الفتيات وترجوه ان يقول لهم المجموع

بدر : خلاص هقول : فرستي الشطوره ٩٨% لميس ٩٧ % زينه ٩٥ % والله وطلعتوا بنات جدعه و قد المسئولية انا فخور بيكم

بكت الفتيات من الفرح وتلقوا مباركات الجميع

نوال : الحمد لله ربنا جبر بخاطركم و اداكم علي قد تعبكم اهو كده هتدخلوا زي ما كنتم بتتمنوا مهره و لميس طب وزينه هندسه

توترت مهره و هي تقول : ااااا لا مانا مش هدخل طب

انتفض بدر من مكانه وهو يقول : يعني ايه الكلام ده يابت انتي مش بقالك سنتين مقرره طب ايه الي حصل

الجد بحده : هو بدر الي قالك تغيري رأيك قوليلي وانا هخليكي تدخلي غصب عنه

بدر بزعل : كده يا جدي انت تعرف عني اني ارجع في كلامي بعد ما وعدتك انها مش هتقصر في مستقبلها

الجد : طب ايه الي غير رأيها يابني وهي ربنا كرمها بمجموع الكل بيحلم بيه

تدخلت مهره حتي تنهي الخلاف القائم بسببها : اقسم بالله يا جدو و رحمه بابا بدر ميعرفش اصلا بقراري انا اصلا مش غاويه طب و بما اني مش هشتغل بشهادتي يبقي ادخل اي جامعه كويسه واستفاد بالوقت الي هوفره اني اخد كورسات اون لاين في اكتر من لغه ثم اكملت بتمني عشان لو ربنا اكرمني وانعم عليا بالذريه اقدر انفعهم

زينه : بس يابنتي المفروض يبقي ليكي كارير ينفعك

مهره : لا شغل الكارير و الاندبندت وومن ده مش تبعي انا جوزي مكفيني و مش مخليني محتاجه حاجه يبقي اتعب نفسي ليه انا اقعد في بيتي احسن اهتم بيه و بجوزي

بدر برغم فرحته بما قالته ولكنه يريد ان يعرف السبب الاساسي : طب لما هو ده تفكيرك ليه كنتي مفهمانا كلنا حتي انا انك غاويه طب

مهره باحراج : اااا الصراحه بقي كنت بقول كده عشان الطب ٧ سنين فيبقي قدامي وقت طويل اتحجج بيه في تطفيش العرسان ووقتها يمكن يكون ربنا فك عقدة لسانك و نطقت قالتها بغيظ

انهار الجميع ضحكا علي مقولتها الاخيره وهم مندهشون منها ومن طريقه تفكيرها التي تتمحور كلها في محيط بدرها

بدر بحب : مانا ماخدتش في ايدك غلوه و جبتيني علي بوزي قبل حتي ماتخلصي الثانويه

الكل ههههههههههه

شرد بدر وهم يضحكون وهو ينظر لها بفخر وقلب متضخم من عشقه لها وقد تذكر ما حدث منذ يومان فقد كان يساعدها في ترتيب ملابسهم داخل الخزانه كما اتفقا سويا فلاحظ وجود عباءات سوداء تصميمها راقي و فاخر كانت ترتب كل عباءه و معها نقابها فسألها : ايه العبايات دي يا فرسه و جبتيهم امتي

مهره دي عبايات بالنقاب يا روحي اشتريتهم من كام يوم واحنا بنكمل النواقص مش انت من الاول خالص قولتلي هنقبك بس لما لاقيتك مفتحتش الموضوع تاني احترت بس قولت اشتريهم وخلاص و ابقي اسألك بعدين

بدر وهو يقترب منها ويملس علي وجهها ويقول : اه يا حبيبي انا نويت انقبك بس محبتش ابقي اناني واحرمك من الفرح الي كنتي بتحلمي بيه لو لبستي النقاب قبلها فقولت بعد الفرح ابقي افاتحك تاني في الموضوع ده و ننزل سوا نشتري الي تحتاجيه

ثم مال عليها وقبلها سريعا نظرا لوجود النساء بالخارج وقال : انا مش لاقي حاجه اقولها ولا اعملها اقدر اقولك بيها انا بعشقك قد ايه

مهره : حبيبي احنا خلاص تعدينا المرحله دي من زمان مفيش كلام ولا افعال تقدر توصف الي جوانا بس يكفينا ان احنا عارفين و حاسين بالي جوانا

ها قد وصلنا الي الحلم الذي طال انتظاره اليوم يوم الحناء وقد كان العمل علي قدم وساق في شارع النعمان فقد اقام وليمه كبيره دعي اليها القاصي و الداني كما انه احضر فرقه المزمار الصعيدي لتحيي ليله الحناء اما الفتيات فقد اقمن ليلتهم مع جميع نساء الحي فوق سطح المنزل ليساع الكم الهائل من الحضور وارتدت فتيات النعمان ساري هندي ولكنه لا يظهر منهم شىء وبالطبع تحت اصرار رجالهم قاموا بلف طرحته كالحجاب حتي لا يظهر شعرهم حتي لو كان جميع الحضور نساء وبرغم التنبيه علي جميع الحضور بعدم التصوير الا انهم لا يضمنون أصحاب النفوس الضعيفه التي ممكن ان تتمكن منها الغيره فيقومون بفعل اي شىء لمحاوله اطفاء نار حقدهم وبرغم تعليق فتيات الحي علي ارتداءهم الحجاب الا انهم حقا لم يهتموا

وقد احضر الفتيات ثلاث نساء مختصين في رسم الحناء وقامت جميع الفتيات برسم ايديهم واماكن أخرى بينما مهره اخذت واحده منهن و نزلت بها الي شقه المذاكره لتسطيع ان تفك حجابها وترسم في أماكن متفرقه من جسدها

اما عند الرجال كانت مفاجأة الجد انه قد احضر للخمس شباب جلاليب صعيديه شبيهه بالتي يرتديها فاصبح هو واولاده واحفاده يرتدون تلك الجلابيب ( قفطان يعني ) ولكن ميز حفيده الغالي عنهم بقيامه بنفسه بلف عمامه بيضاء علي رأسه جعلت مظهره حقا يحبس الانفاس بكت الجده فرحا لرؤيتهم هكذا واخذت تكبر و تحوقل واقسمت انها لن تتركهم يغادروا حتي تبخرهم وقد احضرت لها ريهام ام العريس مبخره كبيره وهي تبكي فرحا بابنها ثم اخذت الجده تلف حولهم بالبخور وهي تتلو الرقيه الشرعيه وحينما انتهت قالت للجد : والله ياحمد ماكان له لازمه القفاطين دي العيال الله اكبر منظرهم يشرح القلب خايفه عليهم مالعين

قبلها الجد علي جبينها وقال : ربك هو الحافظ يام عادل وده اليوم الي كنت بحلم بيه من زمان وكنت بتمني اشوفهم وهما لابسينهم حواليه وبكي وهو يقول ربنا يحميكم و يفرح قلوبكم يا ولادي يارب

التف حوله الخمس شباب يقبلون يده و راسه وهم يطلقون اجمل عبارات الحب والامتنان لهذا الجد الغالي

نزلوا رجال النعمان الي الاسفل للترحيب بضيوفهم وحينما ظهروا للعلن اخذ الشباب يهلل و يطلق الصافرات و دوت اصوات المفرقعات و بدأت الفرقه بدق طبولها تزامنا مع انغام المزمار بعد ان رحبوا بضيوفهم و تاكدوا ان جميع الطاولات ممتلئة بالاطعمه والفاكهه والمشروبات تقدم الجد الي الساحه المخصصه للرقص وهو يسحب معه بدر وبدأوا معا رقصه العصا باحترافيه ثم التف حولهم باقي رجال العائلة فأصبحت رقصه خاصه برجال النعمان وسط فرحه و تصفيق الجميع بحماس ولم يتطفل علي رقصتهم الخاص احد فمظهرهم يثلج الصدور وكانت المفاجأة حين احضر بدر كرسي بلستيكي له جانبان واجلس الجد عليه ثم قام هو والشباب بحمله و الرقص به والجد يرفع عصاه ويلوح بها في الهواء وهو جالس ملكا علي العرش الذي صنعه له احفاده بكت عيناه واحس ان قلبه سيتوقف من كثره تضخمه فرحا باحفاده و ها قد من الله عليه بحصاد ما زرعه

انتهت الرقصه المبهره وقام باقي الضيوف علي فترات يقدمون رقصات يؤدونها مشاركا منهم لفرحه رجال النعمان وقام النعمان بتوصيه الطهاه بتجهيز صواني كبيره مليئة بالطعام لتقديمها للنساء ايضا و حينما انتهي قام رجال النعمان بالصعود بها لاعلي ولكنهم اعطوها لنساء العائلة من الخارج دون ان يقتربوا من باب السطح احتراما لخصوصيه النساء اللائي بالداخل

و أخيرا قد انتهت تلك الليله المبهجه وأتى الصباح سريعا

اخذ بدر و سليم الفتيات لتوصيلهم الي الفندق المقام فيه الزفاف فقد حجز قاعه عرس في اكبر فنادق الاسكندريه وقد حجز ايضا غرفه لتجهيز العروس والفتيات واحضر لهم متخصصه تجميل لبنانيه شهيره لها مركز تجميل كبير و مشهور ولكن في القاهره اتفق معها علي مبلغ مالي كبير مقابل أن تأتي هي وفريق العمل الخاص بها الي الاسكندريه قبل الزفاف بيوم علي ان يتكفل ايضا بحجز ثلاث غرف في نفس الفندق للمبيت بها هي وفريقها الذي شدد عليها ان يكون جميعهم فتيات

و ها قد مر اليوم سريعا وقد انبهرت الفتيات و خبيره التجميل بجمال تلك المهره و طلتها الخلابه ولم تحتاج الكثير من الزينه فوجهها وحده فتنه وقد زادها جمالا حجابها الابيض و ايضا لا نستطيع وصف روعه فستانها الملكي الذي كان يضيق عند الصدر و ينزل باتساع و طبقات كثيره من التل وله ذيل طويل جدا تستلقي فوقه طرحتها وقد زاده جمالا تلك الاحجار الزمرديه التي اوصي بها بدر لتزيينه بها وقد ارتدت مهره الطاقم الماسي الذي أهداه لها بدرها ورفضت ارتدائه سابقا و ها قد حان وقته ليتماشي مع فستان زفافها وقد ارتدت الاربع فتيات فساتين من نفس اللون والتصميم فكان لونها ازرق مع حجاب سماوي ينساب علي اجسادهن بنعومه حتي الركبه ثم يزداد اتساعه بما يسمي ( قصه السمكه ) فكان منظرهم وهم يلتفون حولها لالتقاط بعض الصور مثل القمر الابيض الذي ينتشر حوله نجوما زرقاء متلألئة وكما أن مهره رفضت رفضا قاطعا أن تفعل ما يسمى بالفرست لوك و فضلت أن ترى ردت فعل حبيبها حينما يراها علي الملأ حتي أنها أجلت جلسة التصوير الي ما بعد رقصتهم الأولى

وها قد اجتمعت نساء العائلة مع الفتيات داخل الغرفه ليكونوا معها في استقبال جدها و عمها ياسر اللذان سيصطحبونها ليسلموها لبدر وحينما دلفا الغرفه وقفا مبهوتان من جمال طلتها و لم يتمالكا دموعهما

فاقتربت منهما مهره و ضمتهما بذراعها معا وهي تجاهد ألا تبكي وقالت : طب والله هعيط والميكب هيبوظ وابقي شكلي زي العفاريت والولا هيطفش مني يرضيكم ضحك الجميع وسط دموعهم ثم ابعدها الجد و حاوط وجهها بكفيه المجعدتين وهو يقول من وسط دموعه بعد ان قبل جبينها : سبحان من خلقك وصورك يا قلب جدك يا ريحه الغالي كان نفسي يكون معانا عشان يملي عينه بأحلى عروسه بس الحمد لله انا راضي بقضاء ربنا و قلبي اطمن عليكي ولما اقابله في الاخره هقوله انا ربيت بنتك زي ما وصتني و سلمتها للي هيصونها و يشيلها جوه قلبه قبل عنيه

قبلت مهره كفي جدها و هي تقول : ربنا يخليك ليا يا جدو ويديمك نعمه في حياتنا وانت كنت ليا اعظم واحن اب في الدنيا انا لو كان ابويا عايش مكنش هيعمل معايا زيك و برغم ان امي عايشه و رفضت تحضر فرحي بس ربنا عوضني عنها بأربع أمهات كل واحده فيهم كانت بتحن عليا وتحبني وتدلعني كمان يمكن اكتر من ولادها

أراد ياسر ان ينهي هذا الموقف المؤثر وهو يمسح دموعه فقال : طب كفايه كده بقي احسن نلاقي بدر عامل اقتحام علينا هنا ووقتها ممكن ياخدك ويروح ويلغي الفرح

ضحك الجميع وتحركوا نحو الاسفل حيث ينتظرها بدرها

كان في اخر السلم المؤدي الي بهو الفندق سجاده طويله حمراء تنتهي عند باب القاعه الذي كان مفتوحا ويقف امامه بدر ممسكا في يده باقه ورد حمراء محاطه بالتل الابيض وكان علي جانبي السجاده يقف شباب بزي فلكلوري موحد وهم يحملون في ايديهم سيوفا ذهبيه مرفوعه لاعلي وكل اثنان مقابلان لبعضهما يمدان سيفيهما ليلتصقا معا مشكلين رقم ٨ حتي كلما مرت العروس ومن معها تبعد الشباب سيوفها

وقفت مهره بين جدها و عمها ياسر علي اول السجاده لكي يمروا عليها الي ان يصلوا لبدر و يتسلمها منهما وقد وقف مصعوقا من جمال طلتها حتي ان عيناه دمعت من الفرحه اما هي ثبتت في مكانها وقلبها سيقفز من صدرها فرحا بحبيبها و مظهره الخاطف للانفاس في حلته السوداء وتحتها قميص ناصع البياض واخيرا وافق علي ارتداء كرافت واختارها بلون الزمرد ليتماشي مع تلك الاحجار المنثوره علي ثوب مهرته وفي لحظه جنون التقطت كف جدها وقبلته ثم التفت والتقطت كف عمها وقبلته تحت اندهاش الجميع ولكن زال اندهاشهم وتحول الي تصفيق وتهليل حينما وجدوها ترفع طرفي فستانها و تنطلق جريا متجهه نحو بدر دون صبر فابتعد الفتيان الحاملين للسيوف سريعا للوراء حتي لا تتأذى تلك المتهوره وما كان من بدرها الا انه ألقى باقه الزهور للخلف دون اهتمام الذي تلقفها احمد سريعا كي لا تتلف

جري نحوها هو الاخر وتقابلا في المنتصف وبدون حديث لف يده حول خصرها و تعلقت هي في عنقه و رفعها من الارض فثنت هي ساقيها واخذ يدور بها و فستانها يرفرف حولهما من سرعه دورانه و تفاجء بها تصرخ بحببببببك ياااااا بددددددددر

صرخ هو الاخر : وااانا بعشقككككككك يا فرستي

كان مشهد لا يوصف ابدا من روعته بعد وقت انزلها برفق وهو يحاوط وجهها بيديه وينظر لها بنظره تقطر عشقا لا تقل عن نظرتها له وهو يقول : اخيرااااااا

ردت هي بفرحه عارمه : مراااتك قدام العالم كله

ذهب لهم الجد لينهي تلك الفقره الرومانسيه حتي لا يتهور حفيده فهو اعلم الناس بوقاحته وصل عندهم وقال : نهدا كده و نتلم لحد ما الليله تعدي وابقوا افرحوا في بيتكم براحتكم كفايه العرض المجاني الي قدمتوه للناس ده ضحك الجميع و قامت مهره بتعليق يدها في ذراع بدر الذي أشار الي شخصا ما بعدها صدحت اغنيه لاصاله وهم يمشون علي انغامها حتي وصلوا الي مكان جلوسهم داخل القاعه

اخذوا وقتا في استقبال التهاني ثم استدعاهم منسق الحفل لتقديم رقصتهم الأولى علي انغام اغنيه انا كلي ملكك لشرين و كانت من اختيار مهره

احتضنها بشده وهو يراقصها وهي كانت تسند راسها علي موضع قلبه الذي كان يهدر بصخب انتهت الرقصه سريعا و قاموا بعدها باتجاه المكان المخصص لالتقاط صور الزفاف وبعد العديد منها رجعوا الي القاعه و ترك بدر مهره تجلس في مكانها وقد وقف بجانبها اخوتها الفتيات

ذهب بدر نحو المسرح واختفي وراء أحد الاعمده حتي صدح فجأه صوت مغني مشهور بأغنية طلبها بدر خصيصا لبداية فقرته و صعدا سويا الي المسرح المغني يصدح بها وبدر يتراقص عليها تزامن هذا مع صراخ الفتيات عند سماع الصوت في نفس الوقت قالو : عاااااااااا حسن شاكووووووش

وكانت اغنيه بنت الجيران وكان رقص بدر عليها بدايه انفجار القاعه بمن فيها تهليلا ورقصا و هرولت الشباب ليشاركوا هذا البدر الذي لم تنضب مفاجآته لمهرته

حملوه الشباب ورفعوه عاليا ثم نزل ارضا و خلع جاكت بدلته وهو يلوح به عاليا وهو يكمل رقصته تعبيرا بفرحته التي عاش عمره يتمناها

وبعد وقت طويل انهي رقصته واستأذن الجميع بتركه هو واخوته فقط ثم امر بايقاف الموسيقي والتقط ميكريفون و بدأ في التحدث : انا النهاردة محدش في الدنيا فرحان قدي وبشكر كل الي حضر يشاركني فرحتي و بما اني حفيد احمد النعمان الراجل الصعيدي الجدع الي يعرف الاصول و علمهالنا فمكنش ينفع افرح لوحدي و فرحتي مش هتكمل غير لما اخواتي يفرحوا معايا سليم و وليد و مصطفي و احمد اخواتي و اصحابي و سندي في الدنيا و عشان هما دايما جانبي و تعبوا كتير معايا لحد ما وصلوني لوقفتي دي قدامكم فانا حبيت افرح قلبهم وارد جزء من الي عملتوه معايا مع انه كتير الصراحه اعقب قوله بالاشاره لبعض الاشخاص تحت استغراب الجميع لعدم فهمهم فحوي حديثه بعدها دلف اربع اشخاص عاملين في القاعه حاملين طاوله كبيره وضعوها في منتصف المسرح و أعقبها دخول شيخ بزي معروف وهم ايضا يعرفونه جيدا فهو مأذون حيهم بعد تجهيز المكان بوضع بعض الكراسي حول الطاوله

بدر : دلوقت هكتب كتابي علي حبيبتي و عمري وبنت قلبي بنت عمي و بعدها اخواتي كمان هيكتبوا كتابهم علي اخواتي البنات

و ما ان انتهي انقض عليه الاربع شباب يحملونه ويهللون فرحين بتلك المفاجأة التي اثلجت قلبهم كثيرا

تم عقد قران بدر و مهره اولا ثم اعقبه سليم و لوجي وبعدهم مصطفي وزينه واخيرا وليد و لميس

وحينما مال عليه احمد يساله عن كيفيه عقد قرانهم دون استكمال الاوراق المطلوبه رد عليه بدر : انا متفق مع المأذون انا وجدي هيكتب الكتاب دلوقت وانتم بقي في خلال يومين تكونوا مخلصين كل حاجه و تودوهاله عشان يكمل اجراءات تسجيل القسيمه فهمت

استمر الحفل حتي الثالثه صباحا وقد تخللته الكثير من الفقرات و تقديم عشاء فاخر للضيوف وها هم عائلة النعمان أخيرا قد وصلوا امام منزلهم في موكب سيارات كبير مع العديد من أصدقائهم الذين حضروا خصيصا لمشاكسه بدر في تلك الليله كما المعتاد

انزل بدر مهره من السياره و دلف بها الي داخل البوابه الحديديه وقال لها : ثانيه حبيبي وراجعلك ثم التفت وخرج لأصدقائه وهو يحذرهم ويقول : اي عرص فيكم هيعمل حركه وسخه من بتوعه هطلع ميتين امه يلا بقي كل واحد علي بيته بكرامته

ضحك الشباب عاليا مع اطلاق بعض المزحات البزيئة المتعارف عليها بين الشباب في تلك المواقف والذي للاسف كان بدر يفعل معهم اكثر من المزاح البزيء ولم يكن يتوقع انه سياتي يوم يرد له كل ما فعله معهم انهي مزاحه مع أصدقائه ودلف الي داخل المنزل وجد الجميع في انتظاره وهم يمازحونه ايضا ولكنه لم يهتم تلك المره فهو انحني قليلا ووضع يد خلف ظهر مهرته واخري خلف ركبتيها ورفعاها وهو يتحرك راكضا علي السلم وسط ضحكاتهم عليه ولكنه فاجأهم بقوله : شغل الصعايده بتاع الصباحيه و نطمن عالبت و تتحججوا بالأكل مش عايزه انا عندي سفر بكره بالليل يعني من دلوقت لمعاد السفر مش هيكفي الي عايز اعمله يعني مالاخر الي هيخبط مش هفتحله

انهال عليه جده وعمه وابيه بسبات نابيه و للحق هو يستحقها لم يهتم بل انه حينما وصل امام شقته في الطابق الثاني انزلها واخرج المفتاح فتح به الباب ثم حملها ثانيا ودلف واغلق الباب بقدمه

انزلها وراء الباب ولم يتحدث ولم يعطها فرصه ايضا و انقض عليها بقبله محمومه كان يتمناها من وقت ما رأها بهذا الثوب المبهر

اخذ يمتص شفاها العليا ثم السفلي ثم يسحب لسانها يمتصه حتي كاد ان يقتلعه من داخلها وهي لا تستطع مجاراته

فصلها بعد مده ليست بقليله وهو يقول : عايز اصدق انك بقيتي في بيتي و مش قادر يا فرستي

احتضنت وجهه بيديها وقالت : لا صدق يا قلب فرستك و عمرها انا في بيتك و في حضنك ملكك لوحدك و قدام الدنيا كلها ومن بعد اللحظه دي اوعدك مهما حصل مش هخرج من بيتك غير علي قبري

انقبض قلبه جراء كلماتها الاخيره و ضمها بشده وهو يقول : بعيد الشر عنك متقوليش كده تاني ابدا ساااامعه

لم ترد ولكنها ظلت في احضانه قليلا ثم قالت : طب حبيبي ينفع نصلي الاول نفسي نبدأ حياتنا سوا واحنا بنشكر ربنا

بدر : طبعا من غير ما تقولي لازم نعمل كده واكمل وهو يسحبها للداخل و بعدين الي صبرني السنين دي كلها مش هقدر اصبر خمس دقايق كمان وصلا الي غرفه نومهم التي كانت مزينه بالورود المنثوره فوق الفراش وعلي ارضيتها

بدر : بصي بقي انا هفتحلك السوسته وانا مغمض و هجري علي بره اغير و اتوضي علي ما تخلصي انتي تغيير كل الي انتي عملاه ده وتطلعيلي تتوضي ونصلي لان انا لو لمحت طرفك مش هقدر امسك نفسي اعقب كلامه بقبله شرسه ثم ابتعد يهرول وهو يقول لالالا مش قادر خلصي بسرررررعه يلاااااا

وبالفعل بعد نصف ساعه كانا يجلسان علي سجادتي الصلاه بعد الانتهاء و كان بدر يضع يده علي رأسها و قرأ دعاء الزواج

وبعد انتهائه بدأ في إزاحة طرحة الإسدال فانهمر شعرها بعد سحبه لتلك الرابطه الصغيره وقف واوقفها معه مد يده برفع اسدالها حتي يخلعه عنها و بعد ازاحته وقف فاغرا فاه من تلك الحوريه الواقفه امامه وهي ترتدي ثوبا شفافا برغم طوله الا انه لا يخفي شىء من مفاتنها كان بفتحه صدر تصل الي نصف بطنها و حبلين رفيعين يلتفان حول رقبتها و لا يداري من ثديها الا القليل جدا و ينزل بضيق الي كعبها ولكنه بفتحه جانبيه تصل لنصف الفخد اما الظهر امممم عفوا لا يوجد له ظهر من الأساس وما زاد جماله لونه الزمردي المشابه للون عينيها الان

تقدم منها واخذ يعبث في شعرها وهو ينظر في عينيها ويقول : خايفه

مهره : عمري ماخاف وانا معاك بس متوتره شويه عشان يعني ااااا انت فاهم بقي

بدر بمزاح حتي يزيل توترها : لالالالا انا عايز الشبح الي كان معايا يوم الشاورما فاكره

ضحكت بدلال وهي تغمز له و تقول : الا فاكره

بدر : اللهم صلي ده احنا ليلتنا عنب ان شاء الله

اقترب وقبلها بقوه وهو يسحب الرابطه الملتفه حول رقبتها حتي يزيح عنها قميصها و بمجرد حلها وقع الثياب عالارض فأصبحت امامه كيوم ولدتها امها لم يستطع تصديق حاله صغيرته التي ولدت علي يده رباها

و عشقه لها يكبر داخله يوما بعد يوم الان اصبحت ملكا له ...حلاله ...لن يتركها ما دام يخرج منه الهواء

ظل معها طوال الليل و كلما انهي جوله عشق قبلها و قال بجنون: مش قادر ابعد لسه عايز

و ترد عليه المليحه العاشقه : ومين قالك اني هسيبك تبعد

....ينظر لها بجنون و هوس ثم يقبلها بقوه

ظل يأخذها مرارا وتكرارا حتي اصبحت الثامنه صباحا وهو لا يشبع ولكنه اشفق عليها لظهور الارهاق عليها بشكل واضح ولكنها تجاهد حتي تشعره انها بخير ولكنه يعلمها جيدا فجاهد نفسه بالاكتفاء مؤقتا حتي يناما قليلا لترتاح حبيبته اخذها بين زراعيه بعد ان صمم ان يناما دون ملابس ملتحفين بغطاء خفيف فقط و ناما معا فور احتضانهم لبعض

وانتهي يوما باجتماع قلبان طال انتظار لقائهما

فماذا ستكون شكل حياتهما معا يا تري

$$$$$$$$$$$

متنساش ان الروايه موجوده كامله في قناه التليجرام

والواتساب