الحلقه الاولى من قصص الانبياء سيدنا آدم

اول يوم في اجمل شهر في السنة شهر رمضان المبارك

بعد صلاة العصر

الام: اللهم عني على ذكرك وشكرك وحسن عبادتك اللهم اجعلني مقيم الصلاة ومن ذريتي ربنا وتقبل دعائي

حنان: يا ماما سالم اخد الفانوس بتاعي ايه ده بقا مهو معاه الفانوس بتاعه

سالم: في ايه كنت بشوفه

الام: اللهم صبرني بس بقا حرام عليكم كل شوية خناق ايه اللي انا فيه ده ياربي مكنت وردة مفتحة في بيت ابويا انت يا بيه مش معاك الفانوس بتاعك

سالم: اه بس كنت بشوفه يا ماما

الام: طيب في ايه يا نونا اخوكي بيشوف فانوسك مفيهاش حاجة يا قلبي وبعدين مش قلت ميت مرة مفيش حاجة اسمها بتاعتي وبتاعته كل اللعب بتاعتكم انتوا الاتنين تلعبوا بيهم مع بعض

حنان: صح يا ماما بس هو اخد الاتنين مني

الام: معلش يا قلبي هات يا سالم الفانوسين وانتي يا حنان روحي هاتي قصص الانبياء اللي جبناهم سوا اول امبارح وتعالي

سالم: يا ماما عايز العب شوية قبل الفطار

الام: قال انت صايم ياروح ماما اهدا شوية هه هنعمل حاجة احلى من اللعب هاتي يا قلبي بصوا بقا ايه رايكم كل يوم بعد العصر قبل داوشة الفطار نقرا من قصص الانبياء ديه ونتعلم منها ونستفيد

حنان وسالم: موافقين

الام: بسم الله الرحمن الرحيم بصوا يا ولاد قبل مندخول في قصص الانبياء مش الاول نعرف يعني ايه نبي اصلا وايه الفرق بين النبي والرسول طيب النبي هو شخص اختاره ربنا اوحى اليه انه يعبده ويعمل اللي ربنا يامره بيه ويصلي ويصوم بس مبيبلغش الناس برسالة ربنا ليه بس لو ربنا امره انه يبلغ الناس يبقى نبي ورسول زي سيدنا محمد صلى الله عليه وسلم وسيدنا موسى وعيسى ونوح وغيرهم

حنان: يعني يا ماما اللي يبلغ بالرسالة هو الرسول

الام: ايوه يا نونا بيكون نبي ورسول في حاجة هنا بقا ان كل رسول نبي بس مش كل نبي رسول تمام

حنان وسالم: تمام

الام: طيب ليه ربنا بعتلنا الانبياء وكل نبي ليه القصة بتاعته علشان نتعلم منهم الصبر على الاذى والتمسك بدينا واننا دايما نظهر الحق ونرفض الباطل بكل اشكال ونفذ كلام ربنا واومره ونبعد عن وسوسة الشيطان وعدد الانبياء اللي مذكورين في القران 25 نبي بدءا من ادم عليه السلام حتى محمد عليه افضل الصلاة والسلام

اول نبي من انبياء الله هو ادم عليه السلام ربنا سبحانه وتعالى قال للملائكة انه هيخلق بشرا ويجعلهم خلفاء له في الارض فردت الملائكة: (أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء وَنَحْنُ نُسَبِّحُ بِحَمْدِكَ وَنُقَدِّسُ لَكَ). الملائكة ربنا خلقهم من نور مش بيعملوا حاجة غير انهم بيعبدوا ربنا ويسبحون بحمده فقال لهم الله: (إِنِّي أَعْلَمُ مَا لاَ تَعْلَمُونَ). جمع الله سبحانه وتعالى قبضة من تراب الأرض، فيها الأبيض والأسود والأصفر والأحمر علشان كده الناس ألوان بشرتهم مختلفة مش كلنا نفس الشكل ولون البشرة سبحان الله ومزج الله تعالى التراب بالماء فصار صلصالا من الطين. وكان إبليس يمر عليه فتعجب هو الطين ده هيكون ايه يعني ؟ من هذا الصلصال خلق الله تعالى آدم سواه بيديه سبحانه ونفخ فيه من روحه فتحرك جسد آدم ودبت فيه الحياة. فتح آدم عينيه وشاف الملائكة كلهم ساجدين له . ما عدا إبليس كان واقف مع الملائكة بس مكنش ساجد وابليس اصلا خلق من نار. فقال ربنا لابليس إبليس: (قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ أَسْتَكْبَرْتَ أَمْ كُنتَ مِنَ الْعَالِينَ) . فردّ على ربنا بكلام كله حسد: (قَالَ أَنَا خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ) . هنا بقا ربنا امر بطرد ابليس: (قَالَ فَاخْرُجْ مِنْهَا فَإِنَّكَ رَجِيمٌ) وإنزال اللعنة عليه إلى يوم الدين. فالطرد واللعنة والغضب جزاء التمرد والتجرؤ على أمر الله الكريم .قال ربنا) قَالَ فَالْحَقُّ وَالْحَقَّ أَقُولُ (84) لَأَمْلَأَنَّ جَهَنَّمَ مِنكَ وَمِمَّن تَبِعَكَ مِنْهُمْ أَجْمَعِينَ (85)) هنا تحول الحسد إلى حقد وإلى تصميم على الانتقام في نفس إبليس: (قَالَ رَبِّ فَأَنظِرْنِي إِلَى يَوْمِ يُبْعَثُونَ). فكشف الشيطان عن هدفه الذي ينفق فيه حقده: (قَالَ فَبِعِزَّتِكَ لَأُغْوِيَنَّهُمْ أَجْمَعِينَ)(إِلَّا عِبَادَكَ مِنْهُمُ الْمُخْلَصِينَ) يعني الشيطان قال وحلف بعزة ربنا انه هيفضل يغوينا ويوسوس لينا علشان نعمل كل حاجه وحشه ربنا امرنا اننا نبعد عنها ويزينها في عنينا علشان نعملها وده اصلا فخ منه علشان يدخلنا معاه النار بس ميقدرش يدخل عباد الله المخلصين اللي مش بيسمعوا كلامه وبيسمعوا كلام ربنا وبس فديه حرب بينا وبين الشيطان ياما نسمع كلامه وربنا يعاقبنا وندخل النار ياما نسمع كلام ربنا وربنا يرضى عننا وندخل الجنة علشان كده ربنا بعت لينا الانبياء والرسل علشان يعلمونا ازاي نرضي ربنا وندخل الجنة ان شاء الله. بعد كده ربنا علم سيدنا ادم الاسماء كلها عرفوا كل حاجة ديه شجرة ديه سماء وديه ارض كل حاجة حولينا علمها لسيدنا ادم بعد كده سال الملايكة عن اسماء الحاجات ديه معرفوش يردوا عليه وقالوا: (سبحانك لا علم لنا الا ما علمتنا انك انت العليم الحكيم) فربنا امر سيدنا ادم انه يعرفهم اسماءهم وقالهم: (قَالَ أَلَمْ أَقُل لَّكُمْ إِنِّي أَعْلَمُ غَيْبَ السَّمَاوَاتِ وَالأَرْضِ وَأَعْلَمُ مَا تُبْدُونَ وَمَا كُنتُمْ تَكْتُمُونَ) . شوفتوا بقا ان قصص الانبياء زي مبنعلم منها حاجات بنفسر بيها القران

سالم: حلوه اوووي يا ماما القصة ديه بعد كده ايه اللي حصل

الام: اللي حصل بعد كده يا قلب ماما ان ربنا خلق حواء من ضلع ادم واسكنهما في الجنة سمحلهم انهم يقربوا من كل حاجة حواليهم ماعدا شجرة معبنه مينفعش يجوا جنبها استغل بقا ابليس ده وفضل يوسوس لسيدنا ادم ان ديه شجرة الخلد وانه ياكل من ثمارها (هَلْ أَدُلُّكَ عَلَى شَجَرَةِ الْخُلْدِ وَمُلْكٍ لَّا يَبْلَى) ضعف سيدنا ادم وستنا حواء ونسيوا كلام ربنا وقطفوا منهة واكلوا وهنا اكتشف ادم انه اصبح عاري وحواء اصبحت عارية وبداوا يقطفوا من ورق الشجر علشان يداروا جسمهم العاري وامر ربنا انهم ينزلوا من الجنة للارض علشان هما اتبعوا الشيطان ونسوا ما امرهم به الله وهبط آدم وحواء إلى الأرض. واستغفرا ربهما وتاب إليه. وأخبرهما الله أن الأرض هي مكانهما الأصلي يعيشان فيهما، ويموتان عليها، ويخرجان منها يوم البعث. في ناس كتية فاكرة ان لولا خطا سيدنا ادم اننا كنا دلوقتي عيشين في الجنة بس ده مش صح ربنا اصلا قال "إِنِّي جَاعِلٌ فِي الأَرْضِ خَلِيفَةً" يعني احنا مكانا الاصلي الارض علشان نغمرها ونعبد ربنا.

لما بقا نزل سيدنا ادم والسيدة حواء الارض وعاشوا فيها كانت السيدة حواء تولد كل مرة توام ولد وبنت حتى انها ولدت اربعين ولدا في عشرين مرة لان كل مرة توام فولدت قابيل وتوأمته أقليما في بطن واحد ، ثم ولدت هابيل وتوأمته لبودا في بطن . في قصة هنا حلوة اوى عن اولاد سيدنا ادم يقول الله سبحانه وتعالى: ۞ وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِنْ أَحَدِهِمَا وَلَمْ يُتَقَبَّلْ مِنَ الْآخَرِ قَالَ لَأَقْتُلَنَّكَ ۖ قَالَ إِنَّمَا يَتَقَبَّلُ اللَّهُ مِنَ الْمُتَّقِينَ (27) أمر الله تعالى آدم عليه السلام أن يزوج قابيل لبودا أخت هابيل ويزوج هابيل أقليما أخت قابيل لان مكنش في بشر على الارض غير ادم واولاد فازاي هيعمروا الارض لتزم يتجوزا فربنا امران كل اخ يتجوز اخته بس مش توامه فهمتوا بس ده علشان مكنش فيه بشر غيرهم تمام وكانت أخت قابيل أحسن من أخت هابيل ، فقالهم سيدنا آدم فرضي هابيل ورفض قابيل ، وقال : هي أختي أنا أحق بها ، ونحن من [ ولادة ] الجنة وهما من [ ولادة ] الأرض ، فقال له أبوه : إنها لا تحل لك بس برده رفض ده، فقال لهما آدم انهم يقدموا قرابين لربنا الللي هيتقبل يتجوزاقليما، وكانت القرابين إذا كانت مقبولة نزلت نار من السماء بيضاء فأكلتها ، وإذا لم تكن مقبولة لم تنزل النار وأكلته الطير والسباع ، فنزلت نار من السماء وأكلت قربان هابيل ولم تأكل قربان قابيل فذلك قوله عز وجل : ( فتقبل من أحدهما ) [ يعني هابيل ] ( ولم يتقبل من الآخر ) يعني : قابيل فنزلوا من على الجبل و غضب قابيل لرد قربانه وفضل مضايق قلب مليان حسد من ناحية اخوه لحد ما سيدنا ادم راح مكة علشان يزور البيت فلما غاب عنهم قتل قايبل اخوه هابيل وبعد مقتله حس بذنب من اللي عمله طبعا بس مكنش يعرف هيعمل ايه في جثة اخوه شاف غراب بيحفر حفرة ودفن فيها غراب ميت فحفر حفرة ودفن اخوه فيها وخسر دنيته واخرته.

ده يعلمنا اننا نرضى باللي ربنا كتبهلنا ومنبصش في حاجة ربنا كتبها لحد تاني حتى لو كان نفسنا فيها امي دايما كانت تقولي اللي يبص في عيشت غيره تحرم عليه عيشته واللي بجد دايما يكون في بالكم ان الاخ سند وامان مش بيتعوض ابدا منخسرهوش تحت اي ظرف كان.

في لسه وقت على الفطار نكمل ولا مليتوا

حنان: بالله يا ماما نكمل بجد انا مبسوطة اوووي

سالم: انا كنت عةيز العب بس القصص ديه حلوة اوووي نكمل بقا

الام: ماشي نكمل بعد سيدنا ادم عندنا سيدنا ادريس عليه السلام قال الله تعالى : {وَاذْكُرْ فِي الْكِتَابِ إِدْرِيسَ إِنَّهُ كَانَ صِدِّيقًا نَبِيًّا * وَرَفَعْنَاهُ مَكَانًا عَلِيًّا} جاء في صحيحي (البخاري ومسلم) في حديث المعراج: "ثم صعد بي – أي جبريل – حتى أتى السماء الرابعة فاستفتح، قيل: من هذا؟ قال: جبريل، قيل: ومن معك؟ قال: محمد، قيل: وقد أُرسل إليه؟ قال: نعم، قيل: مرحباً به فنعم المجيء جاء. ففُتح. فلما خلصتُ فإذا إدريس، فقال: هذا إدريس فسلِّم عليه، فسلّمت عليه، فردّ ثم قال: مرحباً بالأخ الصالح والنبي الصالح". يمكن مفيش كلام كتير عن سيدنا دريس غير انه إدريس عليه السلام بن يارد بن مهلائيل بن قينان بن أنوش بن (شيث عليه السلام) بن (آدم عليه السلام). والله أعلم. وإدريس عليه السلام هو أول من أعطي النبوة بعد آدم وشيث عليهما السلام وهو أول من خط بالقلم وقطع الثياب وخاطها وكانت مدة إقامة إدريس عليه السلام في الأرض(82) سنة ثم رفعه الله إليه.

الام: قصة سيدنا ادريس صغيرة جدا فه نكمل بقصة سيدنا نوح عليه السلام قال الله تعالى: {إِنَّا أَرْسَلْنَا نُوحًا إِلَى قَوْمِهِ أَنْ أَنذِرْ قَوْمَكَ مِنْ قَبْلِ أَنْ يَأْتِيَهُمْ عَذَابٌ أَلِيمٌ} [نوح: 1]. ربنا ارسل سيدنا نوح لقوم نسوا أصول شريعة الله الي نزلها على أنبيائه ورسله السابقين، وصاروا يعبدون الأوثان. وقد أثبت القرآن الكريم خمسة أوثان لهم، كانوا يقدسونها ويعبدونها، وهي: (وَدّ - سُوَاع – يَغُوث –يَعُوق – نْسْر). قال الله تعالى: {وَقَالُوا لا تَذَرُنَّ آلِهَتَكُمْ وَلا تَذَرُنَّ وَدًّا وَلا سُوَاعًا وَلا يَغُوثَ وَيَعُوقَ وَنَسْرًا} [نوح: 23]. فضل سيدنا نوح يدعو قومه بكل السبل حببهم في طاعه ربنا وهددهم من عذابه بس هم رفضوا ان هم يسيبوا عباده الاصنام مع ان سيدنا نوح قالهم ان هو مش عايز اي اجر من ورا الكلام ده {وما أسألكم عليه من أجر إن أجري إلا على رب العالمين} (الشعراء:109)، بس هم ما استجابوش ليه ووصفه دعوته بالضلال فقالوا: {إنا لنراك في ضلال مبين} (الأعراف:60)،واصروا على كفرهم وشركهم بالله فضل سيدنا نوح يدعو قومه الاف السنين ولم يستجيبوا له بكل الطرق والسبل لما فشلت كل طرق سيدنا نوح في دعوه قومه امره ربنا سبحانه وتعالى ان هو يبني سفينه لما بنى السفينه فضل قومه يسخروا منه ازاي تبني سفينه في الصحراء كانت البيئه اللي عايشين فيها صحراء فعلا ازاي يبني سفينه في صحراء ولكن مكنش حد يعرف اللي ربنا مكرره من عذاب لقوم سيدنا نوح بعد ما سيدنا نوح بنى السفينه امره ربنا انه ياخذ فيها من كل حيوان وطير زوجين وياخذ قومه اهل بيته الذين امنوا به حتى انه ماخدش مراته وابنه لانهم مش مؤمنين. ارسل ربنا طوفان اغرق به الارض كلها ﴿وَهِيَ تَجْرِي بِهِمْ فِي مَوْجٍ كَالْجِبَالِ وَنَادَى نُوحٌ ابْنَهُ وَكَانَ فِي مَعْزِلٍ يَابُنَيَّ ارْكَبْ مَعَنَا وَلَا تَكُنْ مَعَ الْكَافِرِينَ* قَالَ سَآوِي إِلَى جَبَلٍ يَعْصِمُنِي مِنَ الْمَاءِ قَالَ لَا عَاصِمَ الْيَوْمَ مِنْ أَمْرِ اللَّهِ إِلَّا مَنْ رَحِمَ وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ﴾ [هود: 42- 43]. في اللحظه الرهيبه دي والدنيا بتغرق والسفينه ماشيه بالناس اللي امنوا بالله وصدقوا سيدنا نوح سيدنا نوح عليه السلام شاف ابنه بيمسك في جبل علشان يحمي نفسه من الميه فنداه قال له اركب معانا رفض ابنه وقال له ان هو هيحتمي في جبل من الميه فقال له سيدنا نوح ان خلاص ما فيش حد هيحميه من امر ربنا وفعلا غرق ابنه وغرق كل القوم الظالمين وفضلت السفينه ماشيه لحد ما رست في جبل اسمه جبل جودي ونجا المؤمنون.

الام؛: كفاية كده انهارده ونكمل بكرة علشان الحق احضر الفطار وملخمش نفسي نكمل بكرة باذن الله.

ــــــــــــــــــــــــــــــــــــــــــــــــــــــــــــــــــــــــــــــ