اقتباس من روايه خطايا داخل الجنه بقلم فريدة الحلواني

وقف قبالته داخل مكتبه الفخم ...يرتجف بداخله رغم الشجاعه الباديه عليه

يعلم أنه مخطيء لكن ماذا يفعل ...سينتظر توبيخه له مثل كل مره و ليحدث ما يحدث

تطلع له بغيظ ثم قال : هااا يا عمار بيه مش عايز تقول حاجه

رد عليه ببرود ظاهري : حضرتك الي استدعتني يا معالي الوزير

لمع الغضب داخل عيون سالم و قال بعدما انتفض من خلف مكتبه : مبروم علي مبروم ميلفش يا عمااااار

ااايه الي هببته في اخر مأموريه ده ...لحد امتي هفضل الم وراك لو مكنتش الداخليه عامله حساب القرابه الي بينا كان زمانك متشال من الخدمه يا بيه

هنا ...لم يقوي علي تحمل المذيد فقد ثار البركان الخامد داخله و قرر ان يطلق حممه كي تحرق العالم أجمع ...حقا لن يهتم

نظر له بغضب لم يستطع مداراته و قال : بس احنا مش قرايب يا سياده الوزير ...حضرتك جوز صاحبه مرات ابويا

حتي لما فكرت ادخل الشرطه طلع ميتين اهلي في الثانويه العامه ليييييه....عشان اجيب مجموع عالي و ادخلها بمجهودي من غير وسطه

عارف انك اتوسطلي بس يكفيني اني عملت الي عليا و مكنتش حابب اعتمد علي حد

رد عليه بغيظ : انت اهبل ياض ...هو انا بعايرك و لا بفكرك بجميله....ابتسم و اكمل بمزاح : انت معقد ياض

و بعدين لما انت طلع ميتين اهلك زي ما بتقول عشان تدخل الشرطه ليه مش شايف شغلك...ليه مش مهتم بيها رغم انك زكي و كان ممكن تكون في مكانه اكبر من كده

صرخ بكل ما يحمله من قهر : مبحبهاش...و لا كنت عايزها من اصلو .

نظر له سالم بزهول و عدم فهم فاكمل : انا واحد اتربيت علي مكن الخياطه...كنت بحلم اكبر مصنع ابويا مع اخواتي ...و لا انا حابب اكون ظابط و لا الشغلانه لايقه عليا

بدأ الشك يساور سالم من الداخل فسأله باهتمام و حزر: و لما هو كده ليه دخلتها ...ليه تعمل حاجه مش حاببها...ابوك كان عايز كده مثلا ...بس لا الحج ربيع مش بيجبركم علي حاجه

تطلع له بعيون مشتعله ثم صرخ بكل ما أوتي من قهر و عشق و وجع لم يعد باستطاعته تحمله : عشان عايز اتجوز بتتتتتك

حل الصمت للحظات كان ينظر سالم بغضب و غيره علي مدللته

و الآخر ينفث دخانً حارق و برغم ذلك اكمل بشجاعه : بحبها....لا بعشقها ...بتجري في دمي ...قولت ابقي ظابط يمكن اليق بيها

ماهو بنت وزير الداخليه هتتجوز ايه غير ظابط زي أبوها و أخواتها

دمعت عيناها و هو يكمل بألم: لكن الي اكتشفته ان مينفعش ...و لا أبوها هيسيب دلوعته تسكن في حاره

و لا ابويا هيوافق اسيب الحاره عشان خاطرها ....سنين و انا بحلم بيها و بعمل كل الي اقدر عليه عشان اوصلها

و فالاخر.......

موعدنا

اول ايام العيد

كونو بالقرب

فريده الحلواني